فی من روئی کی قیمت میں 500 روپے کی کمی

07-29-2025

(لاہور نیوز) ملک میں روئی کی قیمتوں میں کمی کا سلسلہ جاری ہے اور فی من روئی کی قیمت 500 روپے کم ہو کر 16 ہزار 500 روپے تک پہنچ گئی۔

کاٹن جنرز فورم کے چیئرمین احسان الحق کے مطابق درآمدی روئی پر سیلز ٹیکس کی چھوٹ ختم ہونے کے باوجود تاحال متعلقہ ایس آر او جاری نہیں کیا گیا جس کے باعث مارکیٹ میں غیر یقینی صورتحال برقرار ہے اور قیمتوں پر منفی اثر پڑ رہا ہے۔ احسان الحق کا مزید کہنا تھا کہ حالیہ بارشوں کی وجہ سے کپاس کی رسد میں بھی کمی دیکھی جا رہی ہے جس کے نتیجے میں کئی جننگ فیکٹریاں عارضی طور پر بند ہو گئی ہیں۔