پنجاب میں تعلیمی اداروں کے نئے اوقات کار کا شیڈول، نوٹیفکیشن جاری

07-28-2025

پنجاب میں تعلیمی ادارے موسم گرما کی تعطیلات کے بعد 15 اگست سے کھلیں گے، حکومت نے صوبے کے تمام سرکاری سکولوں کیلئے اوقات کار کا اعلان کر دیا۔

نوٹیفکیشن کے مطابق سنگل شفٹ صبح 7:30 بجے سے دوپہر 1:00 بجے تک ہو گی جبکہ جمعہ کے روز صبح 11:30 بجے تعلیمی ادارے بند ہوں گے۔ ڈبل شفٹ والے سکول پیر سے جمعرات صبح 7:30 بجے سے دوپہر 1:00 بجے تک کھلیں گے، جمعہ کے روز صبح کی شفٹ صبح 7:30 بجے سے 11:30 بجے تک ہو گی۔ شام کی شفٹ پیر سے جمعرات دوپہر 2:00 بجے سے شام 6:00 بجے تک اورجمعہ دوپہر 2:30 بجے سے شام 5:30 بجے تک تعلیمی سر گرمیاں ہوں گی۔