سلمان اکرم راجہ کی حماد اظہر کی رہائش گاہ آمد، میاں اظہر کے انتقال پر اظہارِ تعزیت کیا

07-28-2025

(لاہور نیوز) سلمان اکرم راجہ، حماد اظہر کی رہائش گاہ پہنچ گئے، انہوں نے حماد اظہر سے ان کے والد میاں اظہر (مرحوم) کے انتقال پر اظہارِ تعزیت کیا۔

 سلمان اکرم راجہ  نے مرحوم کے انتقال پر گہرے دکھ افسوس کا اظہار کیا، ساتھ ہی ایصال ثواب کیلئے دعا بھی کی۔  سلمان اکرم راجہ نے اس حوالے سے بتایا کہ آج حماد اظہر کے گھر آیا اور میاں اظہر مرحوم کی وفات پر تعزیت کی، انہوں نے کہا کہ جس زاویے سے بھی دیکھیں تو میاں اظہر قابل ستائش شخصیت تھے، میاں اظہر مشکل حالات میں بھی بانی پی ٹی آئی کے نظریے پر چل رہے تھے، حماد اظہر بھی اپنے والد میاں اظہر کے نقش قدم پر چل رہے ہیں۔ انہوں نے کہا کہ عدالتوں کو ہدایات ہیں کہ 9 مئی کے مقدمات کا فیصلہ جلد از جلد کرنا ہے، ہم اپنے نظریے پر ڈٹے ہوئے ہیں اور آخر میں فتح عوام کی ہو گی، یہ نظام اپنے آپکو کو خود نا اہل کر رہا ہے، اسمبلیاں اپنی توقیر کھو بیٹھی ہیں، 8 فروری کو جو ہوا وہ عوام کے سامنے ہیں اس سیاہ دھبے کو کبھی نہیں مٹایا جا سکتا، سلمان اکرم  نے بتایا کہ اس نظام کو قیدی بنا دیا گیا ہے۔  سلمان اکرم راجہ نے کہا کہ 5 اگست پورے ملک کی کال ہے، ہر حلقے میں عوام نے نکل کر احتجاج کرنا ہے۔ عوام اپنے چوک و چوراہوں میں نکل کر اپنے حق کے لیے نکلیں گے۔