بانی پی ٹی آئی کی ضمانت بعد از گرفتاری کی 8 اپیلیں سماعت کیلئے مقرر

07-28-2025

(لاہور نیوز) سپریم کورٹ بانی پی ٹی آئی کی ضمانت بعد از گرفتاری کی 8 اپیلیں سماعت کے لیے مقرر ہو گئیں۔

چیف جسٹس پاکستان یحییٰ آفریدی کی سربراہی میں دو رکنی بینچ 29 جولائی کو ساڑھے نو بجے اپیلوں کی سماعت کرے گا، بینچ میں جسٹس محمد شفیع صدیقی بھی شامل ہیں۔ ایڈووکیٹ سلمان صفدر کے ذریعے بانی پی ٹی آئی نے نو مئی کیسز میں ضمانت بعد از گرفتاری کے لئے اپیلیں دائر کی تھیں، یاد رہے کہ لاہور ہائیکورٹ نے بانی پی ٹی آئی کی ضمانت بعد از گرفتاری کی اپیلیں خارج کر دی تھیں۔