رنگ روڈ پر افسوسناک ٹریفک حادثہ، پٹرولنگ آفیسر معطل

07-27-2025

(لاہور نیوز) رنگ روڈ پر ایک افسوسناک ٹریفک حادثے کے بعد کمانڈنٹ رنگ روڈ پولیس نے پٹرولنگ آفیسر کو فوری طور پر معطل کر دیا۔

پولیس کے مطابق ایک تیز رفتار کار بھینس سے ٹکرا گئی، جس کے باعث کار سوار زخمی ہو گیا جبکہ بھینس موقع پر ہی دم توڑ گئی، ابتدائی تحقیقات میں پٹرولنگ آفیسر شکیل کی غفلت سامنے آئی۔ کمانڈنٹ رنگ روڈ پولیس نے واقعے کا نوٹس لیتے ہوئے پٹرولنگ آفیسر شکیل کو رنگ روڈ پولیس سے واپس ٹریفک پولیس بھجوا دیا ہے، مزید برآں، شکیل کو سات روز میں ٹریفک ہیڈ کوارٹر رپورٹ کرنے کا بھی حخم دیا گیا ہے۔