وزیراعلیٰ پنجاب مریم نواز کا کیپٹن محمد سرور شہیدؒ کو خراجِ عقیدت

07-27-2025

(لاہور نیوز) وزیراعلیٰ پنجاب مریم نواز شریف نے کیپٹن محمد سرور شہیدؒ کو خراجِ عقیدت پیش کیا ہے۔

مریم نواز شریف نے کہا کہ  پہلا نشانِ حیدر حاصل کرنے والے کیپٹن سرور شہیدؒ پاکستان کے لئے جرات اور شجاعت کی علامت ہیں، 27 جولائی 1948 کو کیپٹن محمد سرور کی شہادت قوم کی حیات ہے۔ انہوں نے کہا کہ کیپٹن سرور شہیدؒ نے ثابت کیا کہ وطن سے محبت ایمان کا حصہ ہے اور دفاع وطن عبادت سے کم نہیں، قوم اپنے عظیم شہداء کو کبھی فراموش نہیں کرے گی، کیپٹن محمد سرور سمیت ہر شہید کی قربانی کو سلام پیش کرتے ہیں۔