سیلاب متاثرہ علاقوں کو آفت زدہ قرار دیا جائے: گورنر کا وزیراعلیٰ کو خط

07-26-2025

(لاہور نیوز) گورنرپنجاب سردار سلیم حیدر خان نے سیلاب سے متاثرہ علاقوں کو آفت زدہ قرار دینے کا مطالبہ کر دیا۔

گورنرپنجاب نے سیلاب زدہ علاقوں چکوال، جہلم اور حافظ آباد کے دوروں کے بعد وزیراعلیٰ پنجاب کو خط لکھا ہے۔ خط میں کہا گیا ہے کہ سیلاب سے متاثرہ علاقوں کو آفت زدہ قرار دیا جائے، جلد از جلد سیلاب سے ہونے والے نقصانات کے لئے اقدامات اٹھائے جائیں، سیلاب سے متاثرہ شہروں میں نظام زندگی شدید متاثر ہوا ہے۔ گورنر پنجاب کا مزید کہنا ہے کہ شہروں کو آپس میں ملانے والے پل ٹوٹ گئے، سڑکیں بہہ گئیں جس سے لوگوں کو مشکلات کا سامنا ہے، غریب لوگوں کے گھر، مویشی اور قیمتی سامان سیلابی ریلے میں بہہ گئے ہیں۔