جعلی نمبر پلیٹس پر نوسربازی کے مقدمات درج ہوں گے: ڈی آئی جی ٹریفک پنجاب

07-25-2025

(لاہور نیوز) جعلی نمبر پلیٹس لگانے والوں کے خلاف سخت قانونی کارروائی کی جائے گی، ڈی آئی جی ٹریفک پنجاب کی جانب سے مراسلہ جاری کر دیا گیا۔

مراسلے میں تمام چیف ٹریفک آفیسرز اور ضلعی پولیس افسران کو ہدایت کی گئی ہے کہ جعلی یا چھیڑی گئی نمبر پلیٹس کے خلاف پاکستان پینل کوڈ کی دفعات 419 اور 420 کے تحت مقدمات درج کئے جائیں۔ مراسلے میں مزید ہدایت دی گئی ہے کہ جعلی نمبر پلیٹس رکھنے والی گاڑیوں اور موٹرسائیکلوں کو فوری طور پر تھانوں میں بند کیا جائے اور سیکٹر انچارجز اپنی ٹیموں کو بریفنگ کے دوران اس نئی پالیسی سے مکمل طور پر آگاہ کریں۔