میٹرو بس ٹریک پر پک اپ کی ٹکر سے ملازم جاں بحق

07-25-2025

(لاہور نیوز) لاہور میٹرو بس ٹریک پر ایک افسوسناک حادثے میں میٹرو بس کا ایک ملازم جاں بحق ہو گیا۔

حادثہ ٹمبر مارکیٹ سٹیشن پر اُس وقت پیش آیا جب میٹرو سٹیشن پر سولر پینلز کی تبدیلی کا کام جاری تھا۔ ذرائع کے مطابق سولر کمپنی کے پک اپ ڈرائیور کی غفلت سے پیش آئے حادثے میں ملازم شدید زخمی ہوا، جسے فوری طور پر ہسپتال منتقل کیا گیا، دو روز تک زیرِ علاج رہنے کے بعد وہ زخموں کی تاب نہ لاتے ہوئے چل بسا۔ ابتدائی اطلاعات کے مطابق متوفی ملازم کے سر پر شدید چوٹ آئی تھی جو موت کا سبب بنی، جاں بحق ہونے والا ملازم ملتان کا رہائشی تھا اور میٹرو بس سروس کا مستقل ملازم تھا۔ حادثے کے بعد متعلقہ حکام  نے واقعے کی تحقیقات شروع کر دی ہیں، جبکہ سولر کمپنی کے ڈرائیور سے بھی پوچھ گچھ جاری ہے، لاہور میٹرو بس انتظامیہ  نے واقعے پر افسوس کا اظہار کرتے ہوئے کہا ہے کہ حادثے کی مکمل چھان بین کی جا رہی ہے اور ذمہ داروں کے خلاف کارروائی عمل میں لائی جائے گی۔