جلاؤ گھیراؤ کے 4 مقدمات: اعظم سواتی کی عبوری ضمانتوں میں توسیع

07-25-2025

(لاہور نیوز) انسداد دہشت گردی عدالت نے جلاؤ گھیراؤ کے 4 مقدمات میں رہنما پی ٹی آئی اعظم سواتی کی عبوری ضمانتوں میں توسیع کر دی۔

اے ٹی سی کے جج ارشد جاوید نے جناح ہاؤس سمیت جلاؤ گھیراؤ کے چار مقدمات کی سماعت کی، اعظم خان سواتی حاضری کیلئے عدالت میں پیش ہوئے۔ پراسیکیوٹر نے کہا کہ ملزمان کی ضمانتیں سپریم کورٹ میں زیر سماعت ہیں۔ بعدازاں عدالت نے کیس میں رہنما پی ٹی آئی اعظم خان سواتی کی عبوری ضمانتوں میں 19 ستمبر تک توسیع کر دی۔ یاد رہے کہ عدالت نے اعظم سواتی کی عبوری ضمانتوں میں آج تک توسیع کر رکھی تھی۔