شہریوں کو اغواء کر کے لاکھوں روپے تاوان وصول کرنیوالے لاہور پولیس کے 3 اہلکار گرفتار

07-24-2025

(لاہور نیوز) شہریوں کو اغواء کر کے لاکھوں روپے تاوان وصول کرنیوالے والے لاہور پولیس کے 3 اہلکاروں کو گرفتار کر لیا گیا، مقدمہ درج کر کے تفتیش شروع کر دی گئی۔

پولیس  کے مطابق رائیونڈ تھانہ میں 3 اہلکاروں کے خلاف مقدمہ درج  کر کے انہیں گرفتار کر لیا گیا، کانسٹیبل توقیر، عاقب اور محمد علی نے شہری کو حبس بے جا میں رکھا، پولیس ملازمین  نے خود کو سی سی ڈی کا اہلکار ظاہر کیا۔ ایف آئی آر  کے مطابق اہلکار دو  شہریوں کو اغواء کر کے 25 لاکھ روپے تاوان کا مطالبہ کرتے رہے، ملزموں  نے شاہد اور ندیم کو پولیس مقابلے میں مارنے کی دھمکیاں دیں، ملزموں  نے مغوی افراد کی زبردستی منشیات فروشی کا اعتراف کرنے کی ویڈیوز بنوائیں۔ متاثرہ افراد کے اہلخانہ نے 6 لاکھ 75 ہزار روپے تاوان دیکر نوجوانوں کو بازیاب کروایا، پولیس حکام  کے مطابق تینوں پولیس ملازمین سے مختلف پہلوؤں پر تفتیش جاری ہے تاہم ملزمان کے موبائل فون قبضہ میں لیکر ویڈیوز کا جائزہ بھی لیا جا رہا ہے۔