لاہور کینال روڈ پر ییلو لائن کو انڈر گراؤنڈ کرنے کا فیصلہ

07-23-2025

(لاہور نیوز) پنجاب حکومت نے ییلو لائن کو لاہور کینال روڈ پر انڈر گراؤنڈ لے جانے کا فیصلہ کر لیا۔

ٹھوکر تا ہربنس پورہ کٹ اینڈ کور پراجیکٹ کے ڈیزائن اور لاگت پر کام شروع کر دیا گیا، ایل ڈی اے اور نیسپاک نے ڈیزائن اور لاگ پر کام شروع کر رکھا ہے۔ کٹ اینڈ کور کرنے سے نہ کوئی درخت کٹے گا نہ ہی گرین ایریا استعمال کیا جائے گا، اورنج لائن مال روڈ سٹیشن طرز پر کٹ اینڈ کور کرکے زیر زمین ٹریک لیس ٹرام چلائی جائے گی۔ ٹریک لیس ٹرام کے لئے لاہور کینال روڈ کی دونوں اطراف سے 12 سے 14 فٹ سڑک استعمال ہو گی، کینال روڈ پر سڑک کے نیچے ٹریک لیس وہیل ٹرام کے لئے سگنل فری راستہ بنایا جائے گا، راستہ بنا کر واپس لاہور کینال روڈ کو دوبارہ ٹریفک کے لئے بحال کر دیا جائے گا۔