لاہور: شہر بھر میں گرین بیلٹس کو نیچے کرنے کا فیصلہ

07-22-2025

(لاہور نیوز) واسا اور پی ایچ اے کی مشترکہ حکمت عملی تیار ہو گئی، شہر بھر میں گرین بیلٹس کو نیچے کرنے کا فیصلہ کر لیا گیا۔

ایم ڈی واسا غفران احمد کی زیر صدارت ویڈیو لنک میٹنگ ہوئی، آن لائن اجلاس میں تمام ڈائریکٹرز و ایکسینز شریک ہوئے، دوران اجلاس شہر بھر کی گرین بیلٹس کو نیچے کرنے سے متعلق عمل کو مربوط بنانے پر غور کیا گیا، گرین بیلٹس سے بارشوں میں پانی کے فوری اخراج کیلئے ضروری اقدامات کا بھی جائزہ لیا گیا۔ اس موقع پر ایم ڈی واسا نے کہا کہ گرین بیلٹس کو نیچے کرنے کے عمل میں واسا اور پی ایچ اے باہمی مشاورت سے کام کریں تاہم اس ضمن میں کسی بھی قسم کی سستی یا کوتاہی ہرگز برداشت نہیں کی جائے گی۔