پنجاب اسمبلی میں بلوچستان میں غیرت کے نام پر خاتون کے قتل کی مذمتی قرارداد جمع

07-22-2025

(لاہور نیوز) پنجاب اسمبلی میں بلوچستان کے علاقے میں غیرت کے نام پر ایک خاتون کے قتل کی شدید مذمت کرتے ہوئے قرارداد جمع کرائی گئی۔

قرارداد مسلم لیگ (ن) کی رکن حنا پرویز بٹ کی جانب سے پیش کی گئی، قرارداد میں کہا گیا ہے کہ یہ ایوان غیرت کے نام پر ایک نہتی خاتون کے قتل پر شدید مذمت کرتا ہے، ایوان جرگے کی آڑ میں قتل ہونے والے افراد کے اہلخانہ سے گہری ہمدردی کا اظہار کرتا ہے، یہ ایوان حکومت بلوچستان سے مطالبہ کرتا ہے کہ تمام ملزمان کو فوری طور پر گرفتار کیا جائے۔ قرارداد میں مزید کہا گیا ہے کہ ایسے واقعات پاکستان کی عالمی ساکھ کیلئے نقصان دہ ہیں اور ایوان اس بات کا مطالبہ کرتا ہے کہ غیرت کے نام پر قتل کے خلاف مؤثر قانون سازی کی جائے۔