عماد وسیم کی مبینہ افیئرز کی خبروں کا معاملہ، کرکٹر کی اہلیہ کا سوشل میڈیاپر افسردہ پیغام

07-20-2025

(ویب ڈیسک)قومی کرکٹ ٹیم کے کھلاڑی عماد وسیم کی مبینہ افیئرز کی زور پکڑتی خبروں کے بعد کرکٹر کی اہلیہ کا بچے کی پیدائش کے بعد سوشل میڈیا پر افسردہ پیغام سامنے آگیا۔

تفصیلا ت کےمطابق حال ہی میں سوشل میڈیا پر یہ خبریں گردش کرنے لگیں کہ عماد وسیم اور ان کی اہلیہ ثانیہ اشفاق کے درمیان تعلقات میں دراڑ آچکی ہے، جس کی وجہ مبینہ طور پر عماد وسیم کی جانب سے بے وفائی بتائی جا رہی ہے۔ عماد وسیم، جنہوں نے کچھ عرصہ قبل انٹرنیشنل کرکٹ سے ریٹائرمنٹ کا اعلان کیا، اس وقت تیسری مرتبہ والد بننے کی خوشی کے باوجود ذاتی زندگی میں مشکلات کا شکار دکھائی دے رہے ہیں۔ ان کی اہلیہ ثانیہ اشفاق نے انسٹاگرام پر اپنے نومولود بیٹے کی پیدائش کی خبر دیتے ہوئے ایسا پیغام شیئر کیا جس نے ان افواہوں کو مزید تقویت دے دی ہے۔ ثانیہ اشفاق اپنے بیٹے کی تصویر شیئر کرتے ہوئے لکھا ’’میں نے تمہیں 9 ماہ تک تنہا اپنی کوکھ میں رکھا، اللہ مجھے آگے کے سفر کے لیے مزید طاقت دے، زایان‘‘۔ ان کی ایک عزیزہ نے یہ پوسٹ شیئر کرتے ہوئے ان کی ہمت بڑھائی اور لکھا، ’’تم بہت مضبوط ہو، اللہ تمہیں مزید طاقت دے‘‘۔ ثانیہ اشفاق کی اس پوسٹ میں عماد وسیم کا کہیں ذکر نہیں تھا، اور کمنٹس میں بھی لوگ مبارکباد کے بجائے انہیں مزید طاقت اور حوصلہ دینے کی دعائیں کرتے نظر آئے۔ اس دوران صارفین نے یہ بھی نوٹ کیا کہ ثانیہ نے اپنے انسٹاگرام بائیو سے ’’عماد وسیم کی اہلیہ‘‘ کا ذکر ہٹا کر صرف اپنے بچوں کا نام لکھ دیا ہے اور انہوں نے اپنے اکاؤنٹ سے عماد وسیم کے ساتھ تمام تصاویر بھی ڈیلیٹ کر دی ہیں۔