نہم آرٹس و سائنس کے طلبہ کیلئے ریاضی کی ایک ہی کتاب متعارف

07-19-2025

(لاہور نیوز) نہم آرٹس و سائنس گروپ کے طلبہ کے لئے ریاضی کی ایک ہی کتاب متعارف کروا دی گئی، اب نویں جماعت میں آرٹس گروپ کے طلبہ بھی میتھ کی وہی کتاب پڑھیں گے جو سائنس گروپ کے طلبہ پڑھیں گے۔

تفصیلات کے مطابق نہم آرٹس و سائنس گروپ کے طلبہ کیلئے ریاضی کی ایک ہی کتاب متعارف کروا دی گئی، پنجاب ایجوکیشن کریکولم، ٹریننگ اینڈ اسیسمنٹ اتھارٹی نے نوٹیفکیشن جاری کر دیا۔ نویں جماعت میں آرٹس گروپ کے طلبہ بھی میتھ کی وہی کتاب پڑھیں گے جو سائنس گروپ کے طلبہ پڑھیں گے، نہم جماعت میں ریاضی کی ایک ہی کتاب پڑھنے کے حوالے سے پیکٹا  نے تمام سکولوں کو ہدایات بھی جاری کر دی ہیں، نہم آرٹس گروپ جنرل سائنس کی کتاب ختم کر دی گئی۔ پیکٹا ذرائع کے مطابق نویں جماعت میں جنرل میتھ پڑھانے کی خبروں میں کوئی صداقت نہیں، ماہرین تعلیم کا کہنا ہے کہ آرٹس گروپ کے طلبہ کیلئے ریاضی کا نصاب مختصر اور آسان رکھا گیا تھا۔