الحاق پاکستان قرارداد گواہ ہے کشمیریوں کا دل پاکستان کیساتھ دھڑکتا ہے: مریم نواز

07-19-2025

(لاہور نیوز) وزیراعلیٰ پنجاب مریم نواز شریف نے کہا ہے کہ 19 جولائی 1947 کو کشمیری بھائیوں نے پاکستان کے ساتھ الحاق کی قرارداد منظور کر کے منزل کا تعین کیا۔

وزیراعلیٰ پنجاب مریم نواز شریف نے کشمیری یوم الحاق پاکستان پر اپنے خصوصی پیغام میں کہا کہ الحاق پاکستان قرارداد اس بات کی گواہ ہے کہ کشمیریوں کا دل ہمیشہ پاکستان کے ساتھ دھڑکتا ہے، کشمیری عوام دہائیوں بعد بھی حق خودارادیت ملنے کے منتظر ہیں۔ مریم نواز شریف نے کہا کہ مظلوم کشمیری بہن بھائیوں کی جدوجہد، قربانیوں اور لازوال حوصلے کو سلام پیش کرتی ہوں، پاکستان ہر محاذ پر کشمیریوں کی سیاسی، اخلاقی اور سفارتی حمایت جاری رکھے گا، پاکستان کشمیریوں کو حق دلانے کیلئے ہر فورم پر آواز اٹھاتا رہے گا، انشاء اللہ وہ دن ضرور آئے گا جب کشمیری اپنی مرضی کے مطابق مستقبل کا فیصلہ کریں گے۔