ڈولفن سکواڈ کی سائنسی بنیادوں پر کارروائیاں، دو اشتہاری گرفتار

07-19-2025

(لاہور نیوز) ڈولفن سکواڈ نے سائنسی بنیادوں پر کی جانے والی کارروائیوں کے دوران دو اشتہاریوں کو گرفتار کر لیا۔

پولیس ذرائع کے مطابق ای-پولیس ایپ کے مؤثر استعمال سے جرائم پیشہ عناصر کے گرد گھیرا تنگ کیا جا رہا ہے، گرفتار ہونے والے ملزمان سنگین جرائم جیسے اقدامِ قتل، فراڈ اور جعلی چیک کے مقدمات میں سندھ اور فیصل آباد پولیس کو مطلوب تھے۔ ملزم سعید کے خلاف تھانہ نیو ٹاؤن (سندھ) جبکہ ملزم زوہیب کے خلاف تھانہ سٹی سمندری (فیصل آباد) میں مقدمات درج ہیں، دونوں ملزمان گرفتاری سے بچنے کے لئے لاہور میں روپوش تھے۔ ڈولفن سکواڈ نے خفیہ اطلاعات پر کارروائی کرتے ہوئے ملزمان کو گرفتار کیا اور مزید تفتیش کے لئے انہیں تھانہ چوہنگ، چوکی ایل بلاک کے حوالے کر دیا گیا۔