بھارت کیلئے پاکستانی فضائی حدود کی بندش میں مزید ایک ماہ تک توسیع

07-19-2025

(لاہور نیوز) پاکستان ایئرپورٹس اتھارٹی نے بھارت کے لئے فضائی حدود کی بندش میں مزید ایک ماہ تک توسیع کا نوٹم جاری کر دیا۔

 نوٹم کے مطابق بھارتی ایئرلائنز کے لئے 23 اگست تک پاکستان کی فضائی حدود بند رہے گی، بھارتی رجسٹرڈ طیاروں سمیت بھارتی ایئرلائنز کے زیرِ استعمال تمام طیارے پاکستانی فضائی حدود استعمال نہیں کر سکیں گے۔ اس کے علاوہ بھارتی ملکیت یا لیز پر لئے گئے فوجی اور سول طیاروں پر بھی پابندی برقرار رہے گی۔ بھارت کے ساتھ کشیدگی کے دوران پاکستان  نے اپنی فضائی حدود بھارتی ایئرلائنز کے لئے بند کی تھی۔