جوہر ٹاؤن پولیس نے کبوتروں پر تشدد کرنیوالے ملزم کو گرفتار کر لیا

07-18-2025

(لاہور نیوز) جوہر ٹاؤن کے علاقہ میں کبوتروں پر ظلم کرنے والے ملزم کو پولیس نے گرفتار کر کے مقدمہ درج کر لیا ہے۔

پولیس کے مطابق کبوتروں کو اُچھالنے کی ویڈیو سوشل میڈیا پر بھی لگائی جاتی تھی ، پولیس نے کبوتروں پرتشدد کا مقدمہ درج کر کے ملزم عالم شیر کو گرفتار کر لیا، پولیس اینیمل ریسکیو سینٹر نے 80 سے 90 کبوتر برآمد کئے گئے ہیں جن میں سے 5 کبوتر زخمی ہیں جن کو پنجوں میں شدید چوٹیں آئی ہیں۔ پولیس کا کہنا تھا کہ کارروائی کے دوران 10 سے 15 کبوتر کمزور حالت میں پائے گئے تھے، ملزم سوشل میڈیا پر ویڈیوز اپلوڈ کرتا اور شہریوں سے کبوتروں پر تشدد کرواتا تھا، کبوتروں پر تشدد کرنے پر ملزم کیخلاف ٹریفک وارڈن شمع محمد جمیل کی مدعیت میں مقدمہ درج کر لیا ہے جبکہ کبوتروں کو پولیس اینیمل ریسکیو سینٹر میں منتقل کر دیا گیا ہے۔