مریم نواز کی پی ڈی ایم اے ہیڈ کوارٹر آمد ، اداروں کو الرٹ رہنے کی ہدایت

07-18-2025

(لاہور نیوز) وزیراعلیٰ پنجاب مریم نواز کی پی ڈی ایم اے ہیڈ کوارٹر آمد ، وزیراعلیٰ نے عوام کی جان و مال کے تحفظ کو یقینی بنانے کے لیے متعلقہ اداروں کو ہمہ وقت تیار رہنے کی ہدایت کی۔

وزیراعلیٰ مریم نواز کوپنجاب میں بارش و سیلابی ریلےکی صورتحال پر بریفنگ دی گئی،مون سون کی آمد سے قبل پیشگی تیاریوں سے آگاہ کیا گیا۔ ڈی جی پی ڈی ایم اے عرفان علی کاٹھیا نے حفاظتی انتظامات و آلات بارے آگاہ کیا،وزیراعلیٰ مریم نواز شریف نے ابتدائی وارننگ سسٹم کا مشاہدہ کیا۔ وزیراعلیٰ کو آبادی کے انخلا کی ٹائم لائن بارے بتایا گیا،اور پنجاب میں سیلاب و بارشوں کی موجودہ صورتحال سےآگاہ کیا گیا،ڈی جی پی ڈی ایم اے نےمون سون سےقبل ندی نالوں کی مؤثر ڈی سلٹنگ مہم بارے بتایا۔ 3 وزیراعلیٰ مریم نواز شریف کو بریفنگ میں بتایا گیا کہ متاثرہ اضلاع میں ضلعی انتظامیہ نے سیلابی ریلے میں پھنسے1063 افرادکو بچا لیا،پنجاب میں سیلابی ریلے میں پھنسے افراد کو اوسطاً 23 منٹ میں نکال لیا گیا۔ ضلع راولپنڈی میں سیلابی ریلے میں پھنسے 6 افراد کو ہیلی کاپٹر سے ریسکیو کیا گیا،ضلعی انتظامیہ اور ریسکیو 1122 نے 450 افراد کو ریسکیو کیا،ضلع چکوال میں 27 افراد کو ہیلی کاپٹر پر ریسکیو کیا گیا،ریسکیو 1122 نے 182 لوگوں کی جان بچائی، ضلع جہلم میں 160افراد کو ہیلی کاپٹر سے ریسکیو کیا گیا،ریسکیو 1122 نے 174 اور پاک آرمی نے 64 افراد کو ریسکیو کیا۔