سی سی ڈی نواں کوٹ کا مبینہ پولیس مقابلہ، زیر حراست ملزم ہلاک

07-18-2025

(لاہور نیوز) سی سی ڈی کا ایک اور مبینہ پولیس مقابلہ، سی سی ڈی نواں کوٹ کی زیر حراست ملزم مارا گیا۔

سی سی ڈی ذرائع کے مطابق مبینہ پولیس مقابلہ نواب ٹاؤن کے علاقہ میں ہوا۔ پولیس زیرحراست ملزم کو ریکوری کے لئے لے کر جا رہی تھی، زیر حراست ملزم کے گھات لگائے  ساتھیوں  نے فائرنگ کر دی، مبینہ حملہ آور اپنے زیر حراست ساتھی کو تو نہ چھڑوا سکے البتہ اسے گولیاں مار کر فرار ہو گئے۔  زیر حراست ملزم ساتھیوں کی گولیوں کی زد میں آکر موقع پر دم توڑ گیا، ہلاک ملزم قاسم علی 2 درجن سے زائد وارداتوں میں ملوث ہے، ملزم چوری، ڈکیتی، پولیس مقابلہ سمیت سنگین وارداتوں میں مطلوب تھا۔