مہنگائی کیخلاف جماعت اسلامی کی تحریک تیز،20 جولائی کو احتجاج کا فیصلہ

07-17-2025

(ویب ڈیسک) مہنگائی کیخلاف جماعت اسلامی کی تحریک میں تیزی آ گئی، پٹرول اور چینی کی قیمتوں میں اضافے پر عوام سراپا احتجاج ہیں ۔

امیرضیاءالدین انصاری کی زیرصدارت جماعت اسلامی ضلع لاہور کا اجلاس منعقد ہوا ۔ اجلاس میں پٹرولیم مصنوعات اورچینی کی قیمتوں میں اضافےکی شدید مذمت کی گئی،جماعت اسلامی ذمہ داران نے پٹرول اور چینی کی قیمتوں میں اضافے کو مسترد کر دیا۔ امیرجماعت اسلامی لاہور ضیاءالدین انصاری ایڈووکیٹ نے 18جولائی کولاہوربھرمیں زونزکی سطح پر 30 احتجاجی مظاہروں کااعلان کرتے ہوئے 20 جولائی کولاہورکی سطح پربڑے احتجاج کا فیصلہ کیا ہے۔ اجلاس میں سیکرٹری جنرل جماعت اسلامی لاہور اظہر بلال،نائب امرا جماعت اسلامی لاہورملک شاہد اسلم ،انجینئر اخلاق احمد ،خالد احمد بٹ ، وقاص احمد بٹ ، چوہدری محمد شوکت ،ڈپٹی سیکرٹریز عبدالعزیز عابد ، قیصرشریف ، شاہد نوید ملک ،جبران بٹ ، عامر نثار خان ، مرزا شعیب یعقوب و دیگر عہدیداران نے شرکت کی۔