دورہ بنگلا دیش: قومی سکواڈ کا دوسرا دستہ بھی ڈھاکا روانہ

07-16-2025

(لاہورنیوز) پاکستان کرکٹ ٹیم کے دورہ بنگلا دیش کے سلسلے میں قومی سکواڈ کا دوسرا دستہ بھی کراچی سے ڈھاکا کے لیے روانہ ہو گیا، قومی ٹیم براستہ دبئی بنگلا دیش پہنچے گی۔

پاکستان کرکٹ بورڈ کے مطابق دوسرے گروپ میں محمد حارث، عباس آفریدی، صاحبزادہ فرحان، حسن نواز، سفیان مقیم، حسین طلعت، احمد دانیال، سلمان مرزا اور سپورٹ سٹاف کے ارکان شامل ہیں۔ واضح رہے کہ گزشتہ رات  پاکستان کرکٹ ٹیم کے دورہ بنگلادیش کے سلسلے میں قومی سکواڈ کا پہلا دستہ کراچی سے ڈھاکا کیلئے براستہ دبئی روانہ ہوا تھا، پہلے گروپ میں سلمان علی آغا، صائم ایوب، فخر زمان، محمد نواز، ابرار احمد، خوشدل شاہ، فہیم اشرف اور سپورٹ سٹاف شامل تھا۔ واضح رہے کہ پاکستان اور بنگلا دیش کے درمیان تین ٹی 20 انٹرنیشنل میچوں پر مشتمل سیریز کا آغاز 20 جولائی سے ہو گا، سیریز کے تمام میچز ڈھاکا کے شیرِ بنگال نیشنل سٹیڈیم میں کھیلے جائیں گے۔