سکول کے سوئمنگ پول میں طالبعلم کی ہلاکت، رپورٹ طلب
07-16-2025
(لاہور نیوز) سکول کے سوئمنگ پول میں طالبعلم کی ہلاکت کے واقعے پر حکومت نے نوٹس لے لیا۔
ایجوکیشن اتھارٹی لاہور نے واقعے کی ابتدائی تحقیقات شروع کرتے ہوئے نجی سکول سے فوری طور پر رپورٹ طلب کر لی، سکول انتظامیہ کو رپورٹ کے ہمراہ اتھارٹی میں پیش ہونے کا بھی حکم دے دیا۔ ایجوکیشن اتھارٹی نے ستوکتلہ تھانے میں جلد انکوائری کیلئے درخواست جمع کروا دی، ایس ایچ او ستوکتلہ سے معاملے کی رپورٹ جلد فراہم کرنے کی درخواست بھی کی۔ ایجوکیشن اتھارٹی کا کہنا ہے کہ متعلقہ تھانے کی رپورٹ سے بچے کی ہلاکت کا تعین ہو سکے گا۔