محکمہ ایکسائز پنجاب میں ملکی تاریخ کی پہلی مہنگی گاڑی رجسٹر

07-15-2025

(لاہور نیوز) محکمہ ایکسائز اینڈ ٹیکسیشن نے ملکی تاریخ کی لاہور میں پہلی مہنگی گاڑی رجسٹر کر لی۔

ذرائع کے مطابق  محکمہ ایکسائزلاہورکی تاریخ  میں پہلی بار گاڑی کا چالان85 لاکھ 7 ہزار روپے کا نکالا گیا، مرسڈیز بینز نجی ڈیپارٹمنٹل سٹور کے نام  رجسٹر کی گئی ۔ ایکسائز ذرائع نے مزید بتایا کہ کے 85 لاکھ 7 ہزار روپے رجسٹریشن کی مد میں جمع ہوئے جو آج تک کی محکمہ میں رجسٹریشن کی مد میں جمع ہونے والی سب سے بڑی رقم ہے۔ واضح رہے کہ اس سے قبل 26اکتوبر2020 میں لاہور کے ہی ایک رہائشی نے ساڑھے 11 کروڑ روپے مالیت کی لیمبر گینی  گاڑی خریدی جس کی  رجسٹریشن کے لیے محکمہ ایکسائز کو خصوصی طریقہ کار وضع کرنا پڑا اور شہری کو اس گاڑی کی رجسٹریشن فیس کی مد میں 45 لاکھ 32 ہزار روپے ادا کرنے پڑے تھے۔