لاہور پولیس کے چاق و چوبند دستے کی شہید ایس پی عبدالصمد کی قبر پر حاضری

07-14-2025

(لاہور نیوز) شہریوں کو اغواکاروں سے بازیاب کراتے ہوئے شہید ہونیوالے ایس پی عبدالصمد کی26 ویں برسی پر گارڈز نے شہید کی قبر پر حاضری دی۔

لاہور پولیس کے چاق وچوبند دستے  نے شہید کو سلامی پیش کی، پھولوں کی چادر چڑھائی و فاتحہ خوانی کی۔ 14جولائی 1999 میں اغواکاروں  نے تاوان کیلئے مسافروں سے بھری بس اغوا کر لی تھی، شہید ایس پی کینٹ عبدالصمد  نے جرات و بہادری کا مظاہرہ کرتے ہوئے اغواکاروں کا تعاقب کیا۔ سی سی پی او لاہور بلال صدیق کمیانہ کا کہنا تھا کہ لاہور پولیس 342 شہدا کی عظیم قربانیوں کی امین فورس ہے، شہید ایس پی عبدالصمد ہمارا فخر ہیں، ان جانثاروں کی گراں قدر قربانیوں کو ہمیشہ یاد رکھا جائے گا۔