گاڑی کھڑی کرنے پر جھگڑا؛ کار سواروں نے پارکنگ سٹینڈ ملازم اغوا کر لیا

07-13-2025

(لاہور نیوز) گلشن راوی میں پارکنگ سٹینڈ پر گاڑی کھڑی کرنے پر جھگڑے کے باعث کار سوار افراد نے پارکنگ سٹینڈ ملازم پر تشدد کیا اور اسے اغواء کر کے اپنے ساتھ لے گئے۔

پولیس نے بروقت کارروائی کرتے ہوئے مغوی کو بازیاب کرا کے دو ملزمان کو گرفتار کر لیا، یہ واقعہ گلشن راوی کے علاقہ مون مارکیٹ کے قریب پیش آیا ہے۔ ایس پی اقبال ٹاؤن نے بتایا کہ متاثرہ شہری صابر سنوکر کلب کے سٹینڈ پر کام کرتا ہے، ملزموں  نے سٹینڈ پر گاڑی کھڑی کرنے کے تنازعہ پر اسے تشدد کا نشانہ بنایا اور اسے اپنے ساتھ لے گئے۔ پولیس کا کہنا تھا کہ ملزمان کو سی سی ٹی وی سے ٹریس کر کے گرفتارکیا گیا ہے، ملزمان امیر حمزہ اور شہباز کے زیر استعمال گاڑی بھی قبضے میں لی گئی، ملزموں کیخلاف مقدمہ درج کر کے انہیں انویسٹی گیشن ونگ کےحوالے کر دیا گیا ہے۔