6 ماہ میں اسلحہ کی نوک پر 5 کاریں چھینی، 137 کاریں چوری ہوئیں

07-13-2025

(لاہور نیوز) گن پوائنٹ پر کار چھیننے اور چوری کرنے کی وارداتیں بدستور جاری ہیں، رواں سال 6 ماہ کے دوران چور 137 کاریں لے اڑے ہیں۔

صوبائی دارالحکومت کے شہر لاہور میں رواں سال کے پہلے 6 ماہ کے دوران اسلحہ کی نوک پر 5 کاریں چھینی گئیں، شہر کے مختلف علاقوں سے 6 ماہ کے دوران 137 کاریں چوری ہو گئیں۔ پولیس ریکارڈ کے مطابق ماڈل ٹاؤن ڈویژن میں گن پوائنٹ پر کار چھیننے کا ایک مقدمہ درج ہوا جبکہ کار چوری کے 45 مقدمات درج ہونے کے بعد سر فہرست رہا، کار چھیننے کی وارداتوں میں صدر ڈویژن 4 مقدمات کے ساتھ سر فہرست رہا جبکہ کار چوری کے یہاں پر 29 مقدمات درج ہو ئے۔ کینٹ کینٹ ڈویژن کار چوری کے 26 مقدمات کے ساتھ تیسرے نمبر پر رہا، سول لائنز ڈویژن سے 17، اقبال ٹاؤن ڈویژن سے 12  اور سٹی ڈویژن میں کار چوری کے 8 مقدمات کا اندراج کیا گیا۔