ٹریننگ کیمپ کے دوران عمیمہ سہیل کی سالگرہ منائی گئی، ساتھیوں کے ہمراہ کیک کاٹا

07-12-2025

(ویب ڈیسک) پاکستان ویمنز کرکٹ ٹیم کی آل راؤنڈر عمیمہ سہیل 28 برس کی ہوگئیں۔

 نجی ہوٹل میں قومی ویمن ٹیم کی جانب سے عمیمہ سہیل کی سالگرہ کا کیک کاٹا گیا، ساتھی کھلاڑیوں اور مینجمنٹ سٹاف نے عمیمہ سہیل کو سالگرہ کی مبارک باد دی۔ کراچی میں جاری سکلز اینڈ فٹنس کیمپ میں شریک کھلاڑیوں نے عمیمہ سہیل کے لیے نیک خواہشات کا اظہار کیا۔ ٹیم منیجر حنا منور، ہیڈ کوچ محمد وسیم، بولنگ کوچز جیند خان اور طاہر خان نے عمیمہ سہیل کو سالگرہ کی مبارک باد دی۔ عمیمہ سہیل 40 ون ڈے انٹرنیشنل اور 55 ٹی ٹوئنٹی میچز میں پاکستان کی نمائندگی کرچکی ہیں۔  قومی ویمن کرکٹر نے سالگرہ پر عزیز و اقارب اور ساتھی کھلاڑیوں کا شکریہ ادا کرتے ہوئے کہا کہ ٹریننگ کیمپ کے دوران ساتھی کھلاڑیوں کے ساتھ سالگرہ منانے کا اپنا ہی لطف ہے، امید ہے کہ ورلڈ کپ سے قبل آئرلینڈ کے خلاف ٹی ٹوئنٹی سیریز جیت کر قوم کو خوشیاں دیں گے۔