ایف بی آر نے ہائی رسک کیش ٹرانزیکشنز پر نگرانی کا عمل سخت کر دیا

07-08-2025

(لاہور نیوز) فیڈرل بورڈ آف ریونیو (ایف بی آر) نے ہائی رسک کیش ٹرانزیکشنز پر نگرانی مزید سخت کر دی۔

فنانس ایکٹ 2025 کے تحت دو لاکھ روپے سے زائد کی نقد رقوم کی منتقلی پر خودکار طریقے سے ٹریکنگ اور نگرانی کی جائے گی۔ ایف بی آر ذرائع کے مطابق 2 لاکھ روپے سے زائد کی کیش جمع کروانے پر 20.79 فیصد ود ہولڈنگ ٹیکس لاگو ہو گا۔ بینکوں کو ہدایت کی گئی ہے کہ وہ مشکوک یا مقررہ حد سے زائد کیش ٹرانزیکشنز کی رپورٹ ایف بی آر کو فراہم کریں، ضرورت پڑنے پر جمع کروانے والے سے ثبوت اور وضاحت بھی طلب کی جا سکتی ہے۔ ایف بی آر کا کہنا ہے کہ نیا سخت نگرانی کا خودکار نظام فعال کر دیا گیا ہے، جو ٹیکس چوری اور غیر قانونی لین دین کی روک تھام میں مدد دے گا۔