سکلز اینڈ فٹنس کیمپ کیلئے 24 پاکستانی خواتین کرکٹرز شامل

07-07-2025

(ویب ڈیسک) سکلز اینڈ فٹنس کیمپ کے لئے 24 پاکستان کی خواتین کرکٹرز آج کراچی میں رپورٹ کریں گی۔

وویمنز کرکٹرز کا سکلز اینڈ فٹنس کیمپ 2 اگست تک کراچی میں جاری رہے گا، 27 روزہ کیمپ کا انعقاد حنیف محمد ہائی پرفارمنس سینٹر اور اوول گراؤنڈ کراچی میں ہو گا۔ خواتین کرکٹ ٹیم کا دورہ آئرلینڈ کے لئے تربیتی کیمپ 28 جولائی سے شروع ہو گا اور 2 اگست تک جاری رہنے والے تربیتی کیمپ میں منتخب کردہ ٹیم کی 15 کھلاڑی حصہ لیں گی۔ پری ٹور کیمپ کے لئے 15 رکنی سکواڈ کا انتخاب سلیکشن کمیٹی کرے گی، وویمنز کرکٹ ٹیم 3 اگست کو آئرلینڈ کے دورے پر روانہ ہو گی، پاکستان اور آئرلینڈ کے درمیان 3 ٹی 20 میچز کی سیریز کھیلی جائے گی، تینوں میچ کلون ٹرف آئرلینڈ میں کھیلے جائیں گے۔