آئی سی سی میں ایک اور اہم عہدے پر بھارتی تعینات

07-07-2025

(لاہور نیوز) انٹرنیشنل کرکٹ کونسل (آئی سی سی) میں جے شاہ کے بعد ایک اور اہم عہدے پر بھارتی کو تعینات کر دیا گیا۔

آئی سی سی کے مطابق سنجوگ گپتا کو آئی سی سی کا چیف ایگزیکٹو مقرر کیا گیا ہے، سنجوگ گپتا آج سے چیف ایگزیکٹو آئی سی سی کی ذمہ داریاں سنبھالیں گے۔ سنجوگ گپتا کی تقرری مارچ میں شروع کئے جانے والے ریکروٹمنٹ پراسیس کے تحت ہوئی ہے، آئی سی سی کو اس عہدے کے لئے 25 ممالک سے 2500 سے زائد درخواستیں موصول ہوئی تھیں۔