ہفتہ وار مہنگائی کی شرح میں 0.73 فیصد اضافہ ریکارڈ

07-04-2025

(لاہور نیوز) ادارہ شماریات نےمہنگائی سے متعلق ہفتہ وار رپورٹ جاری کردی جس کے مطابق ملک میں مہنگائی کی مجموعی سالانہ شرح منفی 2.06فیصد پر آ گئی۔

ادارہ شماریات کی رپورٹ کے مطابق ایک ہفتے میں 18 اشیائے ضروریہ کی قیمتوں میں اضافہ ہوا، 6 سستی اور 27 کی قیمتوں میں استحکام رہا۔ رپورٹ کے مطابق ایک ہفتے میں زندہ مرغی کی فی کلو قیمت میں 40 روپے، پیاز 5 روپے 56 پیسے، ٹماٹر کی فی کلو قیمت میں 8 روپے، لہسن فی کلو 18 روپے اور آلو تین روپے جبکہ چینی کی فی کلو قیمت میں 1 روپے 52 پیسے کا اضافہ ہوا، چاول، دال مسور، دہی اور مٹن بھی مہنگی ہونے والے اشیاء میں شامل ہیں۔ ادارہ شماریات کے مطابق ایک ہفتے میں ایل پی جی کا گھریلو سلنڈر 302 روپے 23 پیسے سستا ہوا، انڈے فی درجن دو روپے تک اور دال مونگ 1 روپے تک سستی ہوئی جبکہ دال چنا، مسٹرڈ آئل بھی سستی ہونے والی اشیاء میں شامل ہیں۔