سی سی ڈی کے دو مبینہ پولیس مقابلوں میں 3 ڈاکو ہلاک

07-03-2025

(لاہور نیوز) سی سی ڈی کے دو مختلف مبینہ پولیس مقابلوں میں 3 ڈاکو ہلاک ،اسلحہ برآمد کر لیا گیا۔

ترجمان نے بتایا کہ پہلے مقابلے میں سی سی ڈی سول لائن نے متعدد وارداتوں میں اشتہاری دو ڈاکوؤں کو پولیس مقابلے میں ہلاک کردیا ،سی سی ڈی پولیس عابد اور دلاور کو نشاندہی کے لیے لے جا رہی تھی ، اس دوران ملزمان کے ساتھیوں نے فائرنگ کردی۔ دونوں طرف فائرنگ سے دونوں ڈاکو اپنے ہی ساتھیوں کی فائرنگ سے مارے گئے، ہلاک ڈاکو عابد اور دلاور ریکارڈ یافتہ تھے ۔ دوسرا مقابلہ کینٹ میں ہوا ،مقابلہ میں ایک ڈاکو ہلاک ہو گیا جس کی شناخت حسن کے نام سے ہوئی ہے۔  ہلاک ڈاکوئوں کے قبضے سے اسلحہ گولیاں اور دیگر سامان برآمد ہوا ہے ۔ پولیس نے لاشوں کو مردہ خانے جمع کروا دیا۔