ہر نئی سہولت صرف بڑے شہروں کو دینا اب ماضی کی بات ہے، مریم نواز

06-29-2025

(لاہور نیوز) پنجاب کی وزیر اعلیٰ مریم نواز نے کہا ہے کہ ہر نئی سہولت صرف بڑے شہروں کو دینا اب ماضی کی بات ہے، ہم دیہات کو بھی بڑے شہروں کے برابر لائیں گے۔

وزیر اعلیٰ مریم نواز کی زیر صدارت محکمہ ٹرانسپورٹ سے متعلق خصوصی اجلاس ہوا، جس میں ای بس پراجیکٹ سمیت مختلف ٹرانسپورٹ منصوبوں پر پیشرفت کا تفصیلی جائزہ لیا گیا۔ مریم نواز  نے جنوبی پنجاب اور دُوردراز اضلاع کو ترجیحی بنیادوں پر ای بسیں فراہم کرنے کی ہدایت کرتے  ہوئے ہر نئی سہولت صرف بڑے شہروں کو دینا اب ماضی کی بات ہے، ہم دیہات کو بھی بڑے شہروں کے برابر لائیں گے۔        وزیراعلیٰ مریم نواز نے حکم دیا کہ پہلے مرحلے میں 24 اضلاع کو 240 الیکٹرک بسیں دی جائیں جبکہ لاہور، فیصل آباد، ملتان، بہاولپور اور راولپنڈی کے لیے اگست سے اکتوبر کے دوران 500 ای بسیں فراہم کی جائیں گی۔ مزید 600 ای بسیں نومبر سے دسمبر تک پنجاب کے مختلف علاقوں میں پہنچائی جائیں گی۔       بسوں کے روٹ: عوام کی سہولت اول ترجیح دوران اجلاس وزیر اعلیٰ نے ٹرانسپورٹ ڈیپارٹمنت  کو تمام عوامی فلاحی منصوبے بلا تاخیر شروع کرنے کی ہدایت دیتے ہوئے کہا کہ بسوں کے روٹس عوام کی آمدورفت کو مدنظر رکھ کر مقرر کیے جائیں۔ مریم نواز  نے مزید کہا کہ عوامی ضروریات کا صحیح تعین کر کے وسائل فراہم کیے جائیں کیونکہ تمام اضلاع ان کے لیے برابر ہیں اور ترقی کے سفر میں ہر علاقے کو یکساں سہولتیں ملنی چاہییں۔