پراپرٹی ٹیکس نادہندگان کیخلاف آپریشن، ڈیفالٹر پراپرٹیز سربمہر
06-27-2025
(ویب ڈیسک) شہرمیں پراپرٹی ٹیکس نادہندگان کیخلاف آپریشن جاری ہے۔
ای ٹی او زون 4 ناظم اسد کی سربراہی میں مال روڈ ،نقی مارکیٹ میں کارروائی کی گئی،پینوراما سنٹرسمیت مختلف علاقوں میں بڑے پیمانے پر ڈیفالٹر پراپرٹیز سربمہرکردی گئیں۔ ای ٹی اوناظم اسد کے مطابق پراپرٹی مالکان کے ذمے70 لاکھ سےزائد بقایا جات تھے ،بار بار نوٹسز کے باوجودٹیکس جمع نہ کروانے پر کمرشل پراپرٹیزسربمہرکی گئیں۔ پوش ایریازمیں ڈائریکٹرریجن اے مشتاق فریدی نے آپریشن کی خود نگرانی کی،2کروڑ سےزائد کی نادہندہ43 پراپرٹیزسربمہر کی گئیں۔ مشتاق فریدی کے مطابق گزشتہ روز ڈیفالٹر سے1 کروڑ سے زائد کی وصولی کی گئی،30جون تک ڈیفالٹرزکےخلاف سخت کریک ڈاؤن جاری رہے گا۔