پری مون سون بارش، گاڑیوں کی ایمیشن ٹیسٹنگ عارضی طور پر معطل

06-26-2025

(لاہور نیوز) شہر میں پری مون سون بارش کے باعث تکنیکی مشکلات کے پیش نظر محکمہ ماحولیات نے گاڑیوں کی ایمیشن (دھواں خارج ہونے) کی ٹیسٹنگ کا عمل عارضی طور پر معطل کر دیا۔

ڈی جی عمران حامد شیخ کا کہنا تھا کہ بارش سے شہریوں کو آج بوتھس پر مشکلات کا سامنا ہو گا، آج شہر میں گاڑیوں کی ایمیشن ٹیسٹنگ روک دی گئی ہے، شاہراہوں پر ممکنہ پانی جمع ہونے کی صورت میں شہریوں کو مشکلات کا سامنا ہو سکتا ہے۔ اُنہوں  نے مزید کہا کہ ایمیشن ٹیسٹنگ فورس کو بارش سے بچانے کیلئے ٹیسٹنگ معطل کی گئی، بارش تھمنے پر کل ایمیشن ٹیسٹنگ بحال کی جائے گی۔