مون سون کا سپیل شروع ہوتے ہی واسا متحرک

06-26-2025

(لاہور نیوز) مون سون بارشوں کا سلسلہ شروع ہوتے ہی واسا متحرک ہو گیا۔

ایم ڈی واسا غفران احمد نے عملے کو ہنگامی الرٹ پر رہنے کی ہدایات جاری کر دیں، انہوں نے تمام مرکزی شاہراہوں کی مکمل سوئپنگ اور صفائی کے احکامات دیتے ہوئے کہا کہ نکاسی آب کے نظام کو ہر صورت فعال رکھا جائے۔ غفران احمد  نے تمام ڈسپوزل سٹیشنز کی سکرینوں کی صفائی کو یقینی بنانے کا حکم دیا اور کہا کہ رکاوٹ بننے والی کسی بھی شے کو فوری طور پر ہٹایا جائے تاکہ بارش کے دوران پانی جمع نہ ہو۔ ان کا مزید کہنا تھا کہ شہر کی ٹریفک روانی کو برقرار رکھنے کیلئے تمام انڈر پاسز کو مکمل طور پر کلیئر رکھا جائے گا، واسا کی ٹیمیں فیلڈ میں موجود ہیں اور کسی بھی ہنگامی صورتحال سے نمٹنے کیلئے تیار ہیں۔ ایم ڈی واسا نے عوام سے بھی اپیل کی کہ نالوں میں کچرا نہ ڈالیں اور واسا کی ہیلپ لائن پر کسی بھی شکایت کی فوری اطلاع دیں۔