ڈیفنس: انوکھی واردات، چور مالک کے سامنے اسکی کار لے گئے

06-23-2025

لاہور: (دنیا نیوز) ڈیفنس سی میں انوکھی واردات ہو گئی، چور کار مالک کے سامنے اس کی گاڑی لے گئے، پولیس نے مقدمہ درج کر لیا۔

ایف آئی آر کے مطابق ڈیفنس سی لاہور کے علاقے میں ذوالفقار نامی شہری کی 90 لاکھ روپے مالیت کی کار چور  لے اڑے، چوری کی سی سی ٹی وی فوٹیج دنیا نیوز کو موصول ہو گئی۔ مقدمہ کے متن کے مطابق چور ٹیلی فون کے ذریعے کال کر کے گاڑی کا خریدار بن کر شہری کے گھر آیا اور گاڑی چیک کرنے کے بہانے لے کر فرار ہو گیا۔ ڈیفنس سی پولیس نے مقدمہ درج کر کے سی سی ٹی وی فوٹیج کی مدد سے نامعلوم چور کی تلاش شروع کر دی ہے تاحال پولیس کار چور کا سراغ لگانے میں ناکام رہی ہے۔