نہم جماعت کے سالانہ امتحان کیلئے رجسٹریشن کی تاریخ میں توسیع

06-21-2025

(لاہور نیوز) تمام تعلیمی بورڈز نے نہم جماعت کے سالانہ امتحان کیلئے رجسٹریشن کی تاریخ میں توسیع کر دی۔

تعلیمی ادارے اب 20 جولائی تک نہم کے طلبہ کی رجسٹریشن کرا سکیں گے، سرکاری و نجی اداروں میں داخل امیدوار رجسٹریشن کے بعد سال 2026 میں نہم بورڈ کا امتحان دے سکیں گے۔ 20 جولائی کے بعد 600 روپے جرمانہ کے ساتھ رجسٹریشن کرائی جا سکے گی، 600 روپے جرمانہ کے ساتھ رجسٹریشن کرانے کی آخری تاریخ 4 اگست رکھی گئی ہے۔