اساتذہ کا سکولوں سے حاضری لگا کر غائب ہونے کا انکشاف

06-19-2025

(لاہور نیوز) اساتذہ کا سکولوں سے حاضری لگا کر غائب ہونے کا انکشاف، پنجاب کے مختلف اضلاع سے اساتذہ کی غیرحاضری کی شکایات موصول ہوئیں ہیں جس کے باعث تعلیمی معیار متاثر ہونے کا خدشہ بڑھنے لگا ہے۔

دعووں کے باوجود سی سی ٹی وی لگانے کا منصوبہ شروع نہ کیا جا سکا، فنڈز کی عدم فراہمی سے سکولوں کی مانیٹرنگ کا منصوبہ کاغذوں کی نذر ہو گیا۔ ذرائع  کے مطابق مالی سال 26-2025کے بجٹ میں بھی کیمروں کیلئے فنڈ مختص نہیں کئےگئے، سی سی ٹی وی کیمروں کے ذریعے سے طلباء کی حاضری کو بھی چیک کیا جانا تھا، فنڈز نہ ملنے سےتاحال کیمروں سے مانیٹرنگ کے پائلٹ پروجیکٹ کا آغاز نہیں کیا جا سکا ہے۔ محکمہ سکول ایجوکیشن کے مطابق فنڈز ملتے ہی سکولوں کی مانیٹرنگ کیلئے منصوبےکا آغاز کر دیا جائیگا۔