پنجاب کا مالی سال 26-2025 کا بجٹ کل پیش کیا جائے گا

06-15-2025

(لاہور نیوز) وزیر خزانہ پنجاب مجتبیٰ شجاع الرحمان کی جانب سے 16 جون کو سہ پہر مالی سال26-2025 کا تخمینہ شدہ بجٹ پنجاب اسمبلی میں منظوری کیلئے پیش کیا جائے گا۔

اس سے قبل پنجاب کابینہ سے خصوصی اجلاس میں بجٹ کی منظوری لی جائے گی۔ وزیر خزانہ پنجاب مجتبیٰ شجاع الرحمان  نے کہا کہ آئندہ مالی سال کا بجٹ وزیر اعلیٰ مریم نواز شریف کے ترقیاتی ویژن کا آ ئینہ دار ہو گا، پنجاب کے بجٹ میں کو ئی نیا ٹیکس نہیں لگایا جا ئے گا،  پہلے سے لاگو ٹیکسز کی وصولیوں کو یقینی بنایا جائے گا۔ مجتبیٰ شجاع الرحمان نے کہا کہ پنجاب کے وسائل میں اضافے کے لیے صوبائی اثاثوں کا موثر استعمال حکومت کی ترجیحی پالیسی میں شامل ہو گا، وزیر اعلیٰ پنجاب کے تعلیم، صحت اور سماجی تحفظ کے کامیاب منصوبے جاری رکھے جائیں گے۔ ان کا کہنا تھا کہ بجٹ میں خواتین ،بچوں، معزور افراد اور محنت کشوں سمیت تمام طبقات کے حقوق کا تحفظ کیا جائے گا،  چھوٹے اور درمیانے درجے کے کاروبار کے لیے تکنیکی و مالی معاونت مہیا کی جائے گی۔ وزیر خزانہ پنجاب نے کہا کہ کسان کارڈ کو مزید موثر بنایا جائے گا، آئند ہ مالی سال کا بجٹ معاشی ترقی، شفافیت اور سماجی تحفظ کے اصولوں پر مبنی ہو گا جبکہ بجٹ میں ترقیاتی کاموں کو ترجیح دی جائے گی۔ مجتبیٰ شجاع الرحمان کا مزید کہنا تھا کہ صوبے کے پسماندہ اضلاع خصوصاََ جنوبی پنجاب پر خصوصی توجہ دی جائے گی۔