آج کل کوئی وفادار نہیں ہوتا،بے وفا شخص کو منتخب کروں گی،کومل میر

06-15-2025

(ویب ڈیسک)معروف اداکارہ کومل میر نے کہا ہے کہ آج کل کوئی وفا دار نہیں ہوتا،بے وفا شخص کو ہی منتخب کروں گی۔

رپورٹ کے مطابق ایک انٹرویو کے دوران میزبان نے کومل میر سے سوال کیا کہ وہ پیسہ پسند کریں گی یا پیار؟ جس پر اداکارہ نے پیار کے مقابلے میں پیسے کو ترجیح دی۔ میزبان نے اگلا سوال کیا کہ اگر انہیں "وفادار مگر غریب شخص" اور "بے وفا مگر امیر شخص" میں سے کسی ایک کا انتخاب کرنا ہو تو وہ کیا کریں گی؟ کومل میر نے جواب دیتے ہوئے کہا کہ آج کل کوئی وفادار نہیں ہوتا، اس لیے میں بے وفا اور امیر شخص کو ہی منتخب کروں گی۔اداکارہ کے اس بیان پر سوشل میڈیا پر ملا جلا ردعمل سامنے آیا ہے۔ کچھ صارفین کا کہنا ہے کہ کومل نے ایمانداری سے جواب دیا ہے، جو قابلِ تعریف ہے۔کچھ صارفین نے طنزیہ انداز میں کہا کہ جب امیر شخص دھوکا دے گا تو یہی انٹرویو دکھایا جائے گا۔