لاہور کے داخلی و خارجی راستوں کو اپ گریڈ کرنے کا فیصلہ

06-14-2025

(ویب ڈیسک) وزیراعلیٰ پنجاب کے حکم پر لاہور کے داخلی و خارجی راستوں کو اپ گریڈ کرنے کا فیصلہ کر لیا گیا۔

اس حوالے سے لاہور پولیس  نے ایل ڈی اے اور پولیس کی مشترکہ ٹیموں کو ٹاسک سونپ دیئے، ابتدائی طور پر بابو صابو، سگیاں سمیت 6 داخلی و خارجی پوائنٹس کو اپ گریڈ کیا جائیگا۔ ذرائع کے مطابق ٹھوکر نیاز بیگ کی طرز پر خوبصورت انٹری پوائنٹ و پولیس ناکوں کو منظم کیا جائیگا۔ پولیس حکام کے مطابق ناکوں پر پولیس کیلئے خوبصورت اور آرام دہ کمرے بنائے جائیں گے، وزیراعلیٰ  نے ہدایات کی ہیں کہ خواتین کی چیکنگ کیلئے خصوصی انتظامات ناکوں پر کئے جائیں، ابھی تک شہر میں داخلی اور خارجی 13 مقامات موجود ہیں۔