دو وکلاء کے قتل کا معاملہ، پنجاب بار کونسل نے ہڑتال کی کال دیدی

06-13-2025

(لاہور نیوز) سابق سیکرٹری لاہور بار لطیف سراء اور رانا سفیان ایڈووکیٹس کے قتل کا معاملہ، پنجاب بار کونسل نے کل لاہور ڈویژن میں ہڑتال کی کال دے دی۔

سیکرٹری پنجاب بار کونسل کی جانب سے لاہور ڈویژن میں کل ہونے والی ہڑتال کا اعلامیہ جاری کردیا گیا، جس میں پنجاب بار کونسل نے دونوں وکلاء کے قتل کی شدید مذمت کرتے ہوئے قاتلوں کی فوری گرفتاری کا مطالبہ کیا ہے۔ وائس چیئرمین پنجاب بارکونسل عرفان صادق تارڑ سمیت دیگر عہدیداروں نے ہڑتال کی کال دی ہے، وائس چیئرمین پنجاب بار کونسل کا کہنا ہے کہ دونوں  وکلاء کے قتل کا واقعہ  سکیورٹی اداروں کی کارکردگی پر سوالیہ نشان ہے۔ لطیف سراء اور اُن کے ساتھی وکیل رانا سفیان کو تھانہ صدر مریدکے کی حدود میں نامعلوم افراد نے فائرنگ کر کے قتل کیا۔