سی ایس ایس امتحانات کی تیاری کرنیوالے اقلیتی نوجوانوں کیلئے اچھی خبر

06-13-2025

(ویب ڈیسک) حکومتِ پنجاب نے سی ایس ایس کے امتحانات کی تیاری کرنے والے اقلیتی نوجوانوں کے لیے ایک انقلابی قدم اٹھاتے ہوئے 15 نوجوان لڑکے اور لڑکیوں کو سول سروسز اکیڈمی میں تربیت فراہم کرنے کی منظوری دے دی ۔

یہ فیصلہ صوبائی وزیر اقلیتی امور رمیش سنگھ اروڑہ کی زیر صدارت ہونے والے ایک اہم اجلاس میں کیا گیا۔ مذہبی اقلیتوں کے نوجوانوں کو سی ایس ایس امتحانات کی تربیت دی جائے گی،نوجوانوں کو سول سروسز اکیڈمی میں تین ماہ کی ٹریننگ فراہم کی جائے گی، تمام اخراجات محکمہ انسانی حقوق واقلیتی امور پنجاب برداشت کرے گا۔ رمیش سنگھ اروڑہ نے اس اقدام کو ایک "آغاز" قرار دیتے ہوئے کہا کہ آئندہ مرحلے میں مزید اقلیتی طلبہ کو بھی یہ مواقع فراہم کیے جائیں گے۔ ان کا کہنا تھا کہ اس پروگرام سے اقلیتی نوجوانوں کو نہ صرف خود اعتمادی ملے گی بلکہ وہ ملک و قوم کی خدمت میں بھی اپنا بھرپور کردار ادا کر سکیں گے۔ وزیر اقلیتی امور نے وزیراعظم شہباز شریف کا شکریہ ادا کرتے ہوئے کہا کہ اس تاریخی اقدام سے مذہبی ہم آہنگی، مساوات اور قومی یکجہتی کو فروغ ملے گا۔