وزیر اعلیٰ مریم نواز کی ہدایت پر عید پر پنجاب میں بڑا کلین اپ آپریشن مکمل

06-10-2025

(لاہور نیوز) وزیر اعلیٰ پنجاب مریم نواز شریف کی ہدایت پر عید کے روز پنجاب کا سب سے بڑا کلین اپ آپریشن مکمل ہو گیا ، تین دن میں 3 لاکھ 15 ہزار 669 ٹن آلائشیں اٹھا کر نیا ریکارڈ بنا دیا گیا۔

پنجاب کے 9 ڈویژنز میں حالیہ عید کے تین دنوں میں 74 فیصد زیادہ آلائشیں اٹھائی گئیں،لاہور میں سب سے زیادہ 78 ہزار 771 ٹن آلائشیں اٹھائی گئیں، ایک لاکھ 43 ہزار 429 لیٹر فینائل، 30 ہزار 563 لیٹر عرق گلاب استعمال ہوا جبکہ 29 لاکھ 87 ہزار 268 کلوگرام چونے کا چھڑکاؤ کیا گیا۔ موصول ہونیوالی مجموعی 12 ہزار شکایات میں سے 11 ہزار 880 شکایات فوری حل کی گئیں، پنجاب حکومت نے عید قربان پر ایک کروڑ 19 لاکھ 71 ہزار سے زائد مفت بیگز تقسیم کئے،ایک ہزار 684 قربان گاہیں، 816 ڈمپ سائیٹس، 3970 یونین کونسل کیمپس لگائے گئے۔ مریم نواز  نے کہا کہ بعض علاقوں میں تخمینے سے زیادہ اور بعض میں تخمینے سے کم آلائشیں جمع ہوئیں، حالیہ عید پر گزشتہ عید کا اپنا ہی ریکارڈ توڑنے پر تمام اداروں کو شاباش دیتی ہوں، 10ہزار کا انعام عوام کی طرف سے سینٹری ورکرز کی خدمت کا انعام اور شکریہ ہے۔