شمالی چھاؤنی: ڈولفن سکواڈ نے جعلی سب انسپکٹر کو ساتھی سمیت دھر لیا

06-03-2025

( لاہور نیوز) شمالی چھاؤنی کے علاقے میں ڈولفن سکواڈ نے جعلی سب انسپکٹر کو ساتھی سمیت گرفتار کر لیا۔

ترجمان ڈولفن سکواڈ کے مطابق ڈولفن ٹیم نے روٹ ڈیوٹی میں مشکوگ گاڑی کو راؤنڈ اپ کیا، چیکنگ کرنے پر جعلی سب انسپکٹر کو ساتھی سمیت گرفتار کر لیا گیا، ملزم عامر نے اپنا تعارف اسلام آباد پولیس میں بطور سب انسپکٹر کروایا۔  ترجمان کا کہنا ہے کہ ملزمان کی چیکنگ کے دوران جعلی پولیس و انٹیلی جنس برانچ کے کارڈز برآمد ہوئے، ملزمان عامر اور دانش کو مزید تفتیش و قانونی کارروائی کیلئے تھانہ نارتھ کینٹ کے حوالے کر دیا گیا۔ ایس پی ڈولفن ارسلان زاہد کا کہنا ہے کہ ڈولفن سکواڈ کی پیشہ وارانہ صلاحیت، حاضر دماغی کا کوئی ثانی نہیں۔