ٹیکنیکل ایجوکیشن کے تمام اداروں کو ضم کرنے کا فیصلہ

06-03-2025

(لاہور نیوز) پنجاب حکومت نے ٹیکنیکل ایجوکیشن کے تمام اداروں کو ضم کرنے کا فیصلہ کیا ہے ۔

ٹیوٹا میں نئی بھرتی کا کام بھی روک دیا گیا۔ ٹیوٹا، پنجاب سکل ڈویلپمنٹ اتھارٹی، پنجاب ووکیشنل ٹریننگ کونسل کو ضم کیا جائے گا۔ تمام اداروں کو پنجاب سکل ڈویلپمنٹ اینڈ انٹرپینورشپ ڈیپارٹمنٹ کے ماتحت کیا جائیگا۔ نیا ڈیپارٹمنٹ بنانے کیلئے ایس او پیز پر کام شروع کر دیا گیا۔ اس سے قبل کچھ ادارے انڈسٹری ڈیپارٹمنٹ اور کچھ انفرادی طور پر کام کر رہے تھے۔ انضمام کا کام ایک ماہ کے اندر مکمل کرلیا جائیگا۔